בעזהשי"ת

מרכז חסידי ויז'ניץ טוהט ווייטער ערציהען א לאנג-יעריגע גאלדענע וועג, וואס האט אויסגעווארצעלט מיטן ערשיינען פון דרך החסידות דורכ'ן הייליגן בעל שם טוב זיעוכי"א, און ווערט היינט געפירט דורך כ"ק מרן אדמו"ר הקוה"ט שליט"א, וואס טוהט ווייטער וועבן דעם הייליגן ויז'ניצע דינאסטיע.

פון דעם צענטראם אין בני ברק - ארץ הקודש, שיינען ארויס לעכטיגע ווארימע שטראלן פון אהבת השי"ת, אהבת התורה און אהבת ישראל ביי טויזנטע תלמידים און חסידים איבער די גאנצע וועלט, ויז'ניץ טרעהט אויס זייער וועג און בויעט זייערע גייסט אויף די אלטע הייליגע שטייגער און אויף דעם וועג ווערן אויפגעצויגן לעכטיגע דורות, הונדערטע זיסע קינדער אין די תלמודי תורה, לעכטיגע בחורים אין די ישיבות און חשובע זיידענע יונגעלייט אין די כוללים.

אהבת ישראל און גמילות חסדים זענען איינגעקריצט אויפן פאהן פון ויז'ניץ און זענען איינע פון איהרע הויפט-סימבאלן. גאר ברייטע פארצווייגטע חסד ווערט פארפלייצט דורך ויז'ניץ צו העלפן ארימע פאמיליעס, שטיצן און אינטערהאלטן עמלי תורה און געבן דעם ריכטיגן פערפעקציאנלע הילף פאר קינדער וואס דארפן צוקומען צו ספעצילע הילף כדי זיי צוברענגען צו ווערן פאראייניגט מיט אלע זייערע חברים, דאס גייט אן סיי הילף ביים לערנונג און סיי אין דעם טאג-טעגליכע באוועגונג, אויף צו בויען זייער כאראקטער און אוועק שטעלן זייער גייסט אויף א געזונטן פעסטן געשטעל.

ויז'ניצע חסידים זענען באצייכנט מיט א פרישקייט און א לעבעדיגקייט, שטענדיג מיט א לוסטיג הארץ און פיהל מיט איבערגעגעבנקייט, ליבשאפט און פארבינדונג צום רבי'ן, אזוי ווי דער אלטער שטייגער פון חסידים מיט א שמייכל און א לעכטיג פנים פאר יעדער איד.

יעצט קומט ויז'ניץ ארויס מיט א גרויס-ארטיגן אינטערנאציאנאלע קמפיין, נאך דעם וואס צוליב די שווערע גזירות און די שווערע געדריקטע אקאנאמישע צושטאנד אין ארץ ישראל, האט מען שוין פיר חדשים נישט באצאהלט קיין געהאלט פאר די כלי הקודש, מחנכים, מרביצי תורה, און כולל יונגעלייט, וואס דאס מיינט הונדערטע פאמיליעס וואס האבן נישט מיט וואס אריין צונעמען דעם קומענדיגן יו"ט פסח הבעל"ט, און זיי מיט זייערע קינדערלעך קוקן ארויס אויף אייער הילף, אריין צושיינען ביי זיי אין שטוב - און איבערהויפט אין הארץ - א לעכטיגקייט און א פרייליכקייט דורכ'ן ערמעגליכן צו קויפן עסן צו א נייע פאר שיך אדער נייעם אנצוג א.א.וו. לכבוד יו"ט.

מיט אייערע ווארעמע שטיצע וועט איהר איינקויפן א חלק אין דעם עבודת הקודש און א שותפות מיט די הייליגע צדיקים וואס דאס וועט אייך זיכער שענקען פיהל ברכה, נחת און פרייד, און ווי די ויז'ניצע רבי'ס ווינטשן כסדר: א זיס לעבן אויף אייך...